1283. Breslau

Eintausch von Minken gegen Rathau und alt Brieg.

In nomine domini amen. - Equitati principum convenit et virtuti, ne bona, que sacrosanctis ecclesiis veneranda dedicavit antiquitas, in divini cultus dispendium modis quibuslibet minuantur. Nos igitur Henricus dei gracia dux Slesie et dominus Wratizlavie, notum facimus universis, quod cum villa, que dicitur Minkenow, ad ins et proprietatem ecclesie de Brega pertinens, ab antiquo tamquam polonico jure sita modicum eidem ecclesie commoditatis afferret, nec absque nostra licencia iure posset theutonico locari vel ad usus redigi meliores, nos volentes eiusdem ecclesie meliora prospicere, permutacionis titulo cum honorabili viro domino Bernardo, Misnensi preposito, eiusdem ecclesie tunc plebano, legittime celebrato supradictam villam ad nostrum decrevimus dominium revocare, dicto plebano eiusque successoribus nichil in ipsa iuris habentibus preter id, quod ipsis racione decime per eiusdem ville cultores et rusticos persolvetur, videlicet de quolibet manso ferto vsualis ponderis et argenti. Volentes eciam eiusdem ecclesie indempnitatibus providere, duas villas civitati nostre de Brega contiguas seu vicinas, quarum vna Rathayka, alia vero Antiqua Brega nuncupatur, pure, libere et irrevocabiliter contulimus ecclesie supradicte, quarum mensura cum quadraginta novem mansos parvos censuales, qui dicuntur "flemingici", comprehendat, schult(et)orum mansis, quos iure locacionis optinent, minime computatis. De singulis mansis idem plebanus accipiet nomine census annui dimidiam marcam vsualis ponderis et argenti, exceptia maldratis, que ad eundem plebanum iure decime pertinent ab antiquo. Adicientes eidem ecclesie de nostra munificencia speciali schult(et)os earum villarum cum omnibus serviciis et solucionibus, que nobis facere deberent, omnesque proventus et vtilitates in pratis, pascuis, rubetis, paludibus et omnibus aliis attinenciis dicteque ville spectantibus, secundum quod e(e)dem ville in metis ac terminis circumferencialiter sunt distracte, pertinentibus ad easdem titulo proprietatis, in perpetuum possidenda. Ne igitur presens permutacio permutacionisque confirmacio per nos seu nostros sucessores in posterum valeat materia calumpnie subnascente aliqualiter irritari vel mutari, presentem litteram scribi iussimus nostri sigilli munimine roboratam. - Actum Wratizlavie anno domini M°cc°lxxx tercio presentibus infra scriptis testibus ad hoc rogatis: domino Jacobo, doctore legum, domino Hartmudo de Bitsina, plebano, domino Symone Gallico, domino Razlav Dremlik, Michahele de Sosnizc et aliis multis fide dignis. Datum per manus magistri Lodowici, notarii curie nostre.

Das grosse herzogliche Siegel hängt an viol. Seidenfäden, ist wohl erhalten und hat folgende Umachrift: S. HENRICI IIII. DEI. GRA. DUCIS SLESIE.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.